پاکستانیپنجابی /Punjabi (Pakistan)

Myeloma UK وچ، اسی چاہنے آں کہ myeloma توں متاثرہ ہر کوئی اپنی لوڑ دی مدد تک رسائی حاصل کر سکے — جس زبان وچ اوہ سب توں زیادہ آرام دہ محسوس کردے نیں۔

چاہے تسی خود myeloma دے نال رہ رئے ہو، یا کسے ٹبر دے رکن یا دوست دی مدد کر رئے ہو، ساڈے کول تہاڈی مدد کرن لئی معلومات موجود ہن۔ ایتھے، تہانوں پتہ لگے گا کہ مختلف زباناں چ عملی مشورے تے مدد تک رسائی کس طرح حاصل کیتی جا سکدی اے۔

آپنی زبان اچ ذاتی مدد حاصل کرو

ساڈی Myeloma انفارمیشن سپیشلسٹ ٹیم ٹیلی فون ٹرانسلیشن سروس دے ذریعے مدد پیش کر سکدی اے، جہڑی 250 توں ودھ زباناں وچ دستیاب اے، مطلب جے انگریزی تہاڈی پہلی بولی نئیں اے، تے فیر وی تسی ساڈے نال گل کر سکدے او تے اوہی قابل اعتماد معلومات تے مدد حاصل کر سکدے او۔ 

ایس سروس تک رسائی لئی ایہ سادہ جیہے کم کرو:

• ساڈے Myeloma انفارمیشن سپیشیلسٹ نوں 0800 980 332 تے کال کرو
• اساں نوں انگریزی اچ دسو کیہ تہانوں کس زبان دی لوڑ اے
• اس دے بعد ٹیم تہانوں اک پیشہ ور مترجم دے نال جوڑے گی تاں جے تسی اپنی پسندیدہ بولی وچ اپنے سوالاں تے خدشیاں دے ذریعے گل کر سکو

ساڈی ویبسائٹ تے آپنی زبان اچ جانکاری تیکر رسائی حاصل کرو

تسی ساڈی ویب سائٹ تے جانکاری کتابچیاں نوں ساڈے ReciteMe  ٹول بار دے ذریعے 100 توں ودھ بولیاں وچ ترجمہ کر سکدے او۔

بس ویب سائٹ دے سب توں اُتوں’لینگؤیج ٹولز‘ تے کلک کرو، بولی دا سلیکٹر لبھو تے اپنی پسندیدہ بولی دا انتخاب کرو۔ 

جد کہ اسی ہمیشہ درست معلومات فراہم کرن دا مقصد رکھدے آں، Recite Me مشینی ترجمہ دا استعمال کردا اے ایس لئی ترجمہ پورا صحیح نئیں ہو سکدا، تے اسی ایہدی درستگی دی ضمانت نئیں دے سکدے۔ دتی گئی معلومات تہاڈی صحت دی دیکھ بھال کرن آلی ٹیم دے مشورے دی تھاں لین لئی نئیں اے۔